انواع الاولاد اللي على النت يا خرابي عليهم

بناء ع طلب المشاهدين جبتاللكم انواع الشباب ع النت
وزى منتوا عارفين رونى اذا وعدت

اخلفت

يالا نبدا

انواع الولاد على النت...

( الي يدوبك لسه متعلم يدخل نت)

طبعا العمر يتراوح من 22 الى ما فوق ... وتلاقيه اول ما يدخل هاي ممكن
نتعرف انا فلان ومن الحته الفلانيه وتحسي ان فيه حنفيه معلومات اتفتحت
واي حاجة تقوليهاله يقولك يعني ايه مش فاهم وبعد كل كلمة يقولك اصل
انا لسه جديد في النت وهتلاقية يشاللك عقبال ميكتب اى كلمة
خدياللك نص ساعة مثلا عقبال مايكتب وعشان تحسسية بعجزوة كل شوية افقعية جرس

والنوعية دي تنقسم لقسمين :
1- يا اما متحمس وحط ف دماغه موضوع النت وعايز يتعلم
2- يا اما سمع من صحابه عن النت والبنات وجاي يجرب حظه

(المرحلة الثانية:
( الي بيقعد على النت بس مش كتير)

النوع ده كل كلامه انا مشغولياتي كتير ومبحبش النت والكلام ده وبعد ما
يكلم شوية يقولك ممكن نكمل كلام في التليفون انا اصلي مبدخلش النت
كتير ومليش خلق للكتابة والحاجات دي

والنوعيه دي تنقسم الى قسمين:
1- يا اما يبقى لحوح ويفضل يطلب نفس الطلب وصباح الملل
2- يا اما يبقى عنده عزة نفس وميلحش بس هيتعصب وهيقولك اعمليلي بلوك قال الواد اتقمص
تقولية انتى ع طول غـــــــــــــــــــــــــــــــــور

(المرحله التالته :
( الي قاعد على النت ليل نهار)
ده بقى شرحه يطول وينقسم لعدة انواع

1- المقموص

ده بقى قاعد وحاطط ايده على زرار الزعل اي حاجة تقوليها تبقي بتقصديه
او بتقللي من شانه وبعد كام مرة كلام ممكن يقولك اديني نمرة تليفونك
ولما تعتذري هيقولك انا هحترم رغبتك وهيركبلك الوش الخشب ومن وقت
للتاني هتاخدي البلوك ف وشك فنصيحه من اولها كده اديله بلوك وديليت
وريحى الجمجمة يا أمى

2- ابو دم خفيف

ده شلل مركز ومتعرفيش مين الي خدعه وقاله ان دمه خفيف وكل كلامه قفشات
وضحك والمفروض انك تكوني مجامله وتضحكي بس منصحكيش تيجي على اعصابك

3- المودي

دي بقة شخصية بتتنوع كل يوم على حسب المود وهتحسي انك بتكلمي واحد
عنده انفصام ف الشخصية النهاردة رزين وعاقل وبكرة لاسع وبعد يومين رخم
وبعدها كيوت وفريندلي طبعا الحكايه مش ناقصة جنان كفايه الي الواحد
فيه

4- اللزقه

والنوع ده عايز حزم ف التعامل معاه لأن كل كلامه انتي فين ؟ بتتاخري
في الرد ليه؟ انتي بتكلمي حد ؟؟ ياعم وانت مالك بتتحشر
ليه ......ولو قلتيله ثواني هيقولك ليه رايحة فين؟ متتاخريش ... ايه
ده انتي لسه مجيتيش ؟؟؟

5- الناصح

صباح الصداع مع كل جمله هتقوليها هتاخدي نصيحة وفيه عرض خاص قولي
جملتين وخدي اربع نصايح العرض مستمر حتى نفاد الكمية ....... .ولو على
منتدى زينا كده هتلاقيه بيقولك ليه حطيتي التوبيك ده وليه شيلتي
الصورة دي وحطيتي التانية انا انصحك انك تخليه يحصل اخواته الي فاتوا
يعني بلوك وديليت

6- الحبيب

انا فيا جاذبية وكل البنات بتعجب بيا .... ... ايام ما كنت ف الكليه
كنت عامل ازمه والبنات بتتخانق عليا...... المصيبة بقى ان اي جمله
هتقوليها هيفهم ان انتي معجبه اصله مش بمزاجك هتحبيه يعني هتحبيه

7- حريقة بنات

ده بقى لو في منتدى او ميل جروب تلاقيه مركز على كل البنات ومبيعملش
اي حاجة تانية غير كده الكوميدي بقى لما يتلخبط ويعتقد ان الأسم ده
انثوي ويندمج وبعدين يطلع واحد صاحبه

8- الكداب

من اول الأسم والسن واي معلومة خدتيها كدب في كدب ومتعرفيش ليه ده بقى
انصحيه وخليه يغير اسمه على الماسنجر ويخليه مسيلمة الكداب

9- العبيط

ده هتلاقيه على طول حاطط صورته وذنب عليكي تتفرجي ويشيل الصورة دي يحط
التانية وكل شوية يفتح الكاميرا مع نفسه

10- بابا اوبح

ده ممكن يكون على النت من سنة 96 واتخرج واشتغل واتجوز وجاب عيال ولسه
قاعد يتعرف على بنات وكل ما يكلم واحدة يقنعها انه مش متجوز وبيدور
على عروسة وصباح السرحان ولو جربتي كل يوم تدخليله بايميل غير التاني
هتسمعي قصة حياته كل يوم مختلفة

الولاد مش كده Evil or Very Mad

وربنا انتى لسعتى خلاص

ربنا يشفيكى يا بنتى

دا انتى ما خالتيش حد عدل

ربنا يهدك

انواع الاولاد اللي على النت يا خرابي عليهم 849536601

زائر

ههههههههههههههههه نايس يا شيمو عجبتني بتاعت بابا اوبح دي ههههههههههههههههههههههههههههههه lol!

والله يا شيمو اكتر الحاجات اللى قولتيها صح وبرافو عليكى

شوفتو البنات رأيهم ان الاولاد فعلا كده و ان ده اللي بيحصل فعلا .......لكن الاولاد بيقولوا لا احنا مش كده

ممكن اعرف انا نوعي فين؟

santa

ههههههههههههههههههههههههههههههههههههههههههههههههههههههههههههههههههههههههه
الله يحرء العفريت انتى شركتينا خالص
على العموم انا مش هكلمك خالص مالص و احتمال كبير مادخولش بال تانى ههههههههههههههههههههههههههههههههههههههههههههههههههههههههههههههههههههههه

بجد انت فئرية هههههههههههههههههههههههههههههههههههههههههههههههههههه

انتى فاهمة الولاد غلط بس احنا فهمنكوا صح و انا هاجمع الولاد و نعمل موضوع عن شخصيات البنات المستفذة Laughing

يخرب عقلك يا شيمو كل ده حصلك من البالتوك ...........لا ولسه

ههههههههههههههههههههههههههههههههه انا عارفه ان مش كل الاولاد كده بس الحقيقه المره ان نسبة 99.9% بيعملوا كده هههههههههههههههههههههههههههههههههههه cheers

» عندك الم في عينك بسبب النت؟؟؟؟؟؟
» تخيل وانت قاعد لوحدك فى الاوضه وكنت على النت ولقيت ده
» عيناك للشاعر فاروق جويده
» للحلوين والوحشين وكل انواع البشره
» العناية بالشعر انواع الشعر كلهاااااااااااااااااااااا